baha ke baiThe hain ashkon ka ik samundar ham
phir aa ga.e hain tire gaanv se guzar kar ham
kisi ki aarzu ham the jo na hui puuri
kisi ko ho ga.e bin kuchh kiye mayassar ham
tumhare dil men hi rahte the ham to muddat se
kise bata.en ki ab ho ga.e hain be-ghar ham
isi liye to giraftar hain masa.il men
samajhne ḳhud ko lage dusron se behtar ham
fuzul aap bhi koshish na kijiye sahab
na aa sakenge kabhi qaid-e-gham se bahar ham
na kuchh vo mere bina hai na kuchh main un ke bina
agar vo mere sanam hain to un ke aazar ham
ye aur baat ki arsa hua bichhaḌ ke magar
na ab talak bhi unhen bhuul paa.e ‘haidar’ ham
Leave a Reply