Qadr Ki Raat baDi Pyari Hai

qadr kī raat baḌī pyārī hai

din isī rain kā darbārī hai

mirī āvāz pe murkī murkī

lahn-e-dā.ūd kī sardārī hai

rañg lā.egī ye ik din āḳhir

mirī fariyād bhī pichkārī hai

us babar-mard kī allāh re qazā

jis pe allāh ne razā vaarī hai

tuur bijlī kī javāñ-sāl kaḌak

nuur kī reshmīñ kilkārī hai

daaġh kahte haiñ jise kamle kavī

vo to īmān kī chiñgārī hai

Leave a Comment