kahan basharat-e-fasl-e-bahar laa.i thi
hava to baagh ki izzat utaar laa.i thi
gulon pe uḌti hui titliyon se yaad aaya
tiri talab mujhe dariya ke paar laa.i thi
sada na phir mire be-jan jism se nikli
hava to us ko gupha tak pukar laa.i thi
tumhare saa.e se arman sab nikale ga.e
visal-rut samar-e-intizar laa.i thi
vo koi ḳhaas chamak DhunDhta raha ‘zishan’
hamari aankh safar ka ghubar laa.i thi
Leave a Reply