kavita-kiran

Kaha Ye Kis Ne Ki Ab Mujhko Tum Se Pyar Nahin

kaha ye kis ne ki ab mujh ko tum se pyaar nahin

ye aur baat hai tum par vo ikhtiyar nahin

mire to apne hi angan men paanv zakhmi hue

mujhe yahan pe kisi par bhi e’tibar nahin

tamam umr kati teri raah takte hue

kuchh aisa haal hai khud apna intizar nahin

kabhi ke khatm hui e’tibar ki duniya

kisi ke vaste ab koi be-qarar nahin

chaman men kaisi hava chal rahi hai ab ke baras

gulon ke chehron pe pahla sa ab nikhar nahin

suluk-e-dost ne kya aisa kar diya hai ‘kiran’

ki umr kat gai dil ko magar qarar nahin

More Poems

Leave a Comment