Shaista Mufti
kaghzi phuul khila rakkhe hain
rishta-e-dard nibha rakkhe hain
dil-e-barbad ne ḳhamoshi se
kitne arman sula rakkhe hain
raat ke pichhle pahar ashkon se
diip se diip jala rakkhe hain
vo nahin jante magar sach hai
tar-e-dil un se mila rakkhe hain
vo jo aa.e to hazaron shikve
phir kisi din pe uTha rakkhe hain
kya samajh pa.enge gham ko mere
but-kade men jo ḳhuda rakkhe hain
koi ta.abir mile ya na mile
ḳhvab palkon pe saja rakkhe hain
Leave a Reply