kaghaz kaghaz dhuul uḌegi fan banjar ho ja.ega
jis din sukhe dil ke aansu sab patthar ho ja.ega
TuTengi jab niind se palken so ja.unga chupke se
jis jangal men raat paḌegi mera ghar ho ja.ega
ḳhvabon ke ye panchhi kab tak shor karenge palkon par
shaam Dhalegi aur sannaTa shaḳhon par ho ja.ega
raat qalam le kar aa.egi itni siyahi chhiḌkegi
din ka saara manzar-nama be-manzar ho ja.ega
naḳhun se bhi iinT kureden mil-jul kar ham-sa.e to
angan ki divar na TuuTe lekin dar ho ja.ega
‘qaisar’ ro lo ghazlen kah lo baaqi hai kuchh dard abhi
agli ruton men yuun lagta hai sab patthar ho ja.ega
Leave a Reply