Bhula Diya Hai Jo Tu Ne to Kuchh Malal Nahin

Navin C Chaturvedi

bhula diya hai jo tu ne to kuchh malal nahin

ka.i dinon se mujhe bhi tira ḳhayal nahin

abhi abhi to sitare zamin pe utre hain

abhi se bazm se apni mujhe nikal nahin

hai dard tu hi dava tu hakim tu hi mariz

tira kamal yahi hai tiri misal nahin

faqat yaqin pe chalta hai zindagi ka safar

vagarna kaun hai jo Dho raha saval nahin

ḳhamoshiyon ki use kyuun na intiha kah duun

zaban ḳhamosh hain ankhon men bhi saval nahin