Chakbast Brij Narayan
kabhi tha naaz zamane ko apne hind pe bhi
par ab uruuj vo ilm-o-kamal-o-fan men nahin
ragon men ḳhuun hai vahi dil vahi jigar hai vahi
vahi zaban hai magar vo asar suḳhan men nahin
vahi hai bazm vahi sham.a hai vahi fanus
fida-e-bazm vo parvane anjuman men nahin
vahi hava vahi koyal vahi papiha hai
vahi chaman hai pa vo baghban chaman men nahin
ghurur-e-jehl ne hindostan ko luuT liya
ba-juz nifaq ke ab ḳhaak bhi vatan men nahin
Leave a Reply