Insha Allah Khan Insha
bhale aadmi kahin baaz aa are us pari ke suhag se
ki bana hua ho jo khaak se use kya munasibat aag se
bahut apni taak buland thi koi biis gaz ki kamand thi
par uchhal phanda vo band thi tire chauki-daron ki jaag se
bahut aae mohre kade kade vo jo mund-ji the bade bade
vale aise to na nazar pade ki jo saaf paak hon laag se
vo siyah-bakht jo raat ko tire dam-e-zulf men phans gaya
use aa ke vahm-o-khayal ke lage dasne saikdon naag se
bhara main ne bindraban men jo are kishn hop ka naara to
maharaj nachte kudte chale aae lat-pati paag se
lage kahne khem-kusal use jo ‘ali’ ke dhyan ke biich hai
tore dukh-daliddar jitte the gae bhaag aap ke bhaag se
hoe ashiq un ke hain mard o zan ye anokhi un ki bhi kuchh nahin
koi taaza aae hain barhaman ye jo kashi aur praag se
tujhe chahte nahin ham hain bas unhon ko bhi to tiri havas
vo jo bhakde ber se sau baras ke purane budhe hain daag se
ai lo aae aae sivae kuchh nahin baat dhyan men chadhti kuchh
kuchh ik in faqiron ki majlisen bhi to milti-julti hain bhaag se
mujhe kaam un ke jamal se na to tappe se na khayal se
na to vajd se na to haal se na to naach se na to raag se
ye saadat us ko ‘ali’ ne di jo vazir-e-azam-e-hind hai
ki badaulat us ki jahan men nahin khauf bakri ko baag se
mujhe rahm aata hai aison par basar apne karte hain vaqt jo
kisi phal se ya kisi phuul se kisi paat se kisi saag se
guthi in suron hi men aa gai mujhe ik uruus ke baas se
abhi ‘insha’ apna ho bas agar to lipat hi jaun bahag se
Leave a Reply