kabhi sukun to kabhi iztirab jaisa hai
ab us ka milna-milana bhi ḳhvab jaisa hai
ye tishnagi-e-mohabbat na bujh sakegi kabhi
ye mat kaho ki ye dariya sarab jaisa hai
ghamon ki dhuup men ummid ke bhi saa.e huun
tu zindagi men yahi inqalab jaisa hai
kabhi ḳhayal se bahar kabhi ḳhayal men hai
vo ek chehra jo dil men gulab jaisa hai
koi mile na mile be-qarar rahta hai
ki dil ka haal bhi ik mauj-e-ab jaisa hai
hamare dil men vahi hai jo sab pe zahir hai
ki apna chehra khuli ik kitab jaisa hai
vo jis ki zaat se jiine ka lutf tha ‘nadir’
bichhaḌ gaya to ye jiina azaab jaisa hai
Leave a Reply