kabhi shadman kabhi pur-alam tumhen yaad ho ki na yaad ho
vo karam ke ruup men ik sitam tumhen yaad ho ki na yaad ho
vahi ahd-e-rasm-o-rah-e-vafa vo dil-o-nazar ka mo.amla
mujhe yaad hai mire mohtaram tumhen yaad ho ki na yaad ho
vahi ghuncha ghuncha-o-gul-ba-gul vahi ruḳh-ba-ruḳh vahi dil-ba-dil
kabhi the chaman ki bahar ham tumhen yaad ho ho ki na yaad ho
vo fusun-taraz si ik nazar kabhi muntazir kabhi muntazir
vo fasana-saz shab-e-alam tumhen yaad ho ki na yaad ho
kabhi vo tabassum-e-zer-e-lab kabhi ḳhamushi si vo be-sabab
kabhi sarḳhushi kabhi aankh nam tumhen yaad ho ki na yaad ho
Leave a Reply