Asra Rizvi
ḳhud ko duniya men na uljhao ḳhuda-ra mohsin
us ke paigham ka samjho to ishara mohsin
baiTh jaana kahin thak haar ke zeba hai kya
tu zamane ka zamana hai tumhara mohsin
pichhli shab us ki mohabbat ne kaha dhire se
tujh se duuri nahin ik pal bhi gavara mohsin
ba-ḳhuda ulfat-e-server ki karamat hai ye
jaun kah kar jo zamane ne pukara mohsin
us ki ulfat men tum hasti ko miTa kar dekho
ek din hoga ḳhuda ḳhud hi tumhara mohsin
kashtiyan paar lagana hai bhanvar se tum ko
Dubte logon ko dena hai sahara mohsin
unchi uThti hui lahron men sada do us ko
abhi mil ja.ega kashti ko kinara mohsin
sub.h us shoḳh ke chehre se uThati hai naqab
gesu-e-husn ko raton ne sanvara mohsin
Leave a Reply