Kabhi Ranj-O-Gham to Kabhi Be-Kasi Hai

kabhī ranj-o-ġham to kabhī be-kasī hai

mirī zindagī bhī ajab zindagī hai

gila kyā karūñ un ke zor-e-sitam kā

hamesha se un kī ye aadat rahī hai

mohabbat meñ jiinā mohabbat meñ marnā

mirī zindagī kā aqīda yahī hai

huā kyā hai āḳhir hameñ bhī patā ho

bhalā ham se kyoñ aaj ye be-ruḳhī ho

agarche ġham-e-dahr kā sāmnā hai

magar mere hoñToñ pe phir bhī hañsī hai

bayāñ kyā karūñ kaifiyat dil kī ‘āsī’

mohabbat meñ ab jaan par aa banī hai

Leave a Comment