Salman Akhtar
kabhi ḳhvabon men mila vo to ḳhayalon men kabhi
raah chalte na mila din ke ujalon men kabhi
zindagi ham se to is darja taghaful na barat
ham bhi shamil the tire chahne valon men kabhi
jin ka ham aaj talak pa na sake koi javab
ḳhud ko DhunDa kiye un talḳh savalon men kabhi
thoḌi rusva.i tumhari bhi to hogi yaaro
chhap ga.e sher hamare jo risalon men kabhi
Leave a Reply