kabhi kabhi hi vo mujh se nahin jhagaḌta hai
vagarna dekhta hai aur TuuT paḌta hai
miri nazar se to hai duur vo bahut lekin
mire ḳhayal ke haan as-pas paḌta hai
hara-bhara to bahut tha vo baans ka jangal
kise pata tha magar aag bhi pakaḌta hai
yaqin us ki rifaqat ka kar raha huun main
ki jis ka kaam mere dushmanon se paḌta hai
yahin pe rabt men aata hai ek doraha
yahin pe aa ke mira rabta bigaḌta hai
main aisi jang men huun ek aisi jang jahan
mira ḳhulus hi mere ḳhilaf laḌta hai
Leave a Reply