Yahan Kya Hai Wahan Kya Hai Idhar Kya Hai Udhar Kya Hai

yahan kya hai vahan kya hai idhar kya hai udhar kya hai

koi samjhe to kya samjhe vo nairang-e-nazar kya hai

na ho jis sar men sauda sarfaroshi ka vo sar kya hai

na phunke khirman-e-hasti to vo soz-e-jigar kya hai

tire andaz ke bismil hain ham ham se koi puchhe

tiri banki ada kya hai tiri tirchhi nazar kya hai

jahan saman vahshat ke use vahshat-sara kahiye

jahan asbab-e-virani vo virana hai ghar kya hai

gae vo aur ye kahte gae o jazb-e-dil vaale

mujhe bhi dekhna hai jazba-e-dil ka asar kya hai