Maqsood Anwar Maqsood
ajiib log hain kya shai kahan se mangte hain
yaqin ka ajr jahan-e-guman se mangte hain
ye zalzale to tabahi se kam pe raazi nahin
so ye ḳhiraj zaman-o-makan se mangte hain
jahan se milta hai us samt dekhte hi nahin
kabhi fulan kabhi ibn-e-fulan se mangte hain
ye kaun le gaya chun chun ke shaḳh-e-gul ki ḳhushi
kahan vo phuul jo ham gulsitan se mangte hain
ai jugnuo ḳhas-o-ḳhashak se nikal aao
ye log nuur shab-e-be-karan se mangte hain
zaban sach ka maza lena chahti hai magar
panah sab usi bar-e-garan se mangte hain
unhen hai jaḌna zamin ke libas men ‘maqsud’
chalo sitare had-e-asman se mangte hain
Leave a Reply