Kabhi Hai Gul Kabhi Shamshir Sa Hai

kabhī hai gul kabhī shamshīr sā hai

vo goyā vādī-e-kashmīr sā hai

ravābit sab hisār-e-hijr meñ haiñ

ta.alluq TūTtī zanjīr sā hai

burā sā ḳhvāb dekhā thā jo shab meñ

ye din us ḳhvāb kī ta.abīr sā hai

haiñ gardish meñ lahū saa.at manāzir

zamāna aañkh meñ tasvīr sā hai

‘qamar’ girdāb tak aao to jaano

jo muzhda lahroñ pe tahrīr sā hai

Leave a Comment