Poet
kabhi dard-ashna tera bhi qalb shadman hoga
kabhi nam-e-ḳhuda tu bhi to ai kam-sin javan hoga
nahin malum un ki jalva-gah men kya saman hoga
nazar jab kamran hogi to ai dil tu kahan hoga
vahi ik saans madhosh hayat-e-javedan hoga
jo ah-e-sard ban kar soz-e-gham ka tarjuman hoga
laraz ja.enge ye mazlumi dil ke tamasha.i
agar ye ḳhaak ka to vo kabhi atish-fishan hoga
jo soz-e-dil se muztar ho ke aa.ega sar mizhgan
to ḳhurshid-e-qayamat mera ashk ḳhun-chakan hoga
sitare ban ke chamkenge dil barbad ke zarre
ye dil barbad ho kar bhi dalil-e-karvan hoga
Leave a Reply