Kab Se Ek Tattul Hai

kab se ek ta.attul hai

mere paas tahammul hai

har mushkil meñ ik hathiyār

mere paas tavakkul hai

terā koī murshid hai

jī haañ jī haañ bilkul hai

baat samajh meñ aatī hai

thoḌā bahut ta.aqqul hai

dekhā hai ban kar anjān

ye to saaf taġhāful hai

aane meñ kuchh maan.e hai

kuchh bhī nahīñ tasāhul hai

‘roz’ kī ġhazloñ par tanqīd

sab kuchh ma’-e-taġhazzul hai

Leave a Comment