poet

Kab Mujhe Tala-E-Na-Saz Pe Rona Aaya

kab mujhe tala-e-na-saz pe rona aaya

dil-e-nadan ki tag-o-taz pe rona aaya

us ki pursish pe jo dekha mutabassim mujh ko

raz-dan ko mire andaz pe rona aaya

aaj sayyad ko bhi apne giraftaron ki

jaane kyuun koshish-e-parvaz pe rona aaya

aa gaya samne anjam tadap uttha dil

apne afsane ke aghaz pe rona aaya

munhasir ashk ki do buund pe tha jis ka bharam

mujh ko ai ‘qadri’ us raaz pe rona aaya

More Poems

Leave a Comment