Nawaz Asimi
ḳhatar hava-e-muḳhalif ka darmiyan men tha
magar parinda magan apni hi uḌaan men tha
hamara jurm to yaksan tha par giraft ke ba.ad
vo shaḳhs ho ke na ho main to imtihan men tha
hamen hamari zaban men saza suna.i ga.i
magar qusur likha jaane kis zaban men tha
tamam shahr pe ghalib tha dhuup ka lashkar
fasil-e-shahr ke bahar main sa.eban men tha
vatan-paraston ne tariḳh hi badal Daali
nahin to zikr hamara bhi dastan men tha
ma.e musafir-o-mallah naav Duub ga.i
‘navaz’ naqs rakha jaise badban men tha
Leave a Reply