Sufi
ehsas-e-ishq dil ki panahon men aa gaya
badal simat ke chand ki bahon men aa gaya
iz.har-e-ishq main ne kisi se nahin kiya
aur be-sabab jahan ki nigahon men aa gaya
vo muskura ke dekh rahe hain miri taraf
itna asar to ab miri aahon men aa gaya
kya puchhte ho azm-e-safar ki karamaten
manzil ka naqsh khud miri rahon men aa gaya
hain ibtidai marhale ye ishq ke abhi
‘sahil’ ye soz kyuun tiri aahon men aa gaya
Leave a Reply