kab dil ke zaḳhm charagaron se rafu hue
jo haath dil ki samt baḌhe sab lahu hue
shikve hue ki jaur hue sab hue tamam
vo husn-e-ittifaq se jab ru-ba-ru hue
jis ke sabab har ek suḳhan-fahm hai ḳhafa
muddat hui hai aap se vo guftugu hue
kiije talash tark-e-tamanna ki suraten
guzra hai ik zamana jigar ko lahu hue
shorish hai ek mauj-e-talatum ki tham ga.i
shorida-sar zamane ki jab aabru hue
nikle jo manzilon ki tamanna men kho ga.e
jo sang-e-dar pe tere jhuke suraḳh-ru hue
Leave a Reply