ata hui hai tujhe roz o shab ki betabi
khabar nahin ki tu khaki hai ya ki simabi!
suna hai khaak se teri numud hai lekin
tiri sarisht men hai kaukabi o mahtabi!
jamal apna agar khvab men bhi tu dekhe
hazar hosh se khush-tar tiri shakar-khvabi
giran-baha hai tira girya-e-sahar-gahi
isi se hai tire nakhl-e-kuhan ki shadabi!
tiri nava se hai be-parda zindagi ka zamir
ki tere saaz ki fitrat ne ki hai mizrabi!
Leave a Reply