chal pare hat mujhe na dikhla munh
ai shab-e-hijr tera kaala munh
arzu-e-nazzara thi tu ne
itni hi baat par chhupaya munh
dushmanon se bigad gai to bhi
dekhte hi mujhe banaya munh
baat puuri bhi munh se nikli nahin
aap ne galiyon pe khola munh
ho gaya raz-e-ishq be-parda
us ne parde se jo nikala munh
shab-e-gham ka bayan kya kijiye
hai badi baat aur chhota munh
jab kaha yaar se dikha surat
hans ke bola ki dekho apna munh
kis ko khun-e-jigar pilaega
saghar-e-mai ko kyuun lagaya munh
phir gai aankh misl-e-qibla-numa
jis taraf us sanam ne phera munh
ghar men baithe the kuchh udaas se vo
bole bas dekhte hi mera munh
ham bhi ghamgin se hain aaj kahin
subh utthe the dekh tera munh
sang-e-asvad nahin hai chashm-e-butan
bosa ‘momin’ talab kare kya munh
Leave a Reply