jo dekho to ayaan kuchh bhi nahin hai
jo socho to nihan kuchh bhi nahin hai
vo rahta hai kahin us se bhi aage
ye niila asman kuchh bhi nahin hai
faqat do chaar din ki hai ye duniya
are chhoḌo yahan kuchh bhi nahin hai
kahan daara kahan hai ab sikandar
bacha kis ka nishan kuchh bhi nahin hai
na talib hai na hai matlub koi
zaman aur ye makan kuchh bhi nahin hai
sabhi jazbon ki qimat lag chuki hai
mohabbat ka bayan kuchh bhi nahin hai
Leave a Reply