dil-e-muztar ki dava kijiyega
na ho mumkin to dua kijiyega
bam-e-ulfat se to gul hi barsen
talḳhi-e-jan na siva kijiyega
bar-e-jan ko to zara kam kiije
qarz ehsan ka ada kijiyega
jan-ba-lab hain jo ḳhizan men ashjar
zard patton ki hava kijiyega
shab-e-furqat ke taqaze jo hon
dil ko dil se na juda kijiyega
be-nishan aap ke divane hain
ji se guzren to pata kijiyega
apnon men raat guzaren ‘rahi’
kal safar nam-e-ḳhuda kijiyega
Leave a Reply