Ba-Rang-E-Bu-E-Gul Us Bagh Ke Hum Aashna Hote

ba-rang-e-bu-e-gul us baagh ke ham ashna hote

ki hamrah-e-saba tuk sair karte phir hava hote

sarapa aarzu hone ne banda kar diya ham ko

vagarna ham ḳhuda the gar dil-e-be-muddaa hote

falak ai kaash ham ko ḳhaak hi rakhta ki is men ham

ghubar-e-rah hote ya kasu ki ḳhak-e-pa hote

ilahi kaise hote hain jinhen hai bandagi ḳhvahish

hamen to sharm daman-gir hoti hai ḳhuda hote

tu hai kis nahiye se ai dayar-e-ishq kya janun

tire bashindagan ham kaash saare bevafa hote

ab aise hain ki sanea ke mizaj uupar baham pahunche

jo ḳhatir-ḳhvah apne ham hue hote to kya hote

kahin jo kuchh malamat gar baja hai ‘mir’ kya janen

unhen maalum tab hota ki vaise se juda hote

Leave a Comment