Kaam Is Dil Ki Tabahi Se Liya Kya Jae

kaam is dil kī tabāhī se liyā kyā jaa.e

sochtā huuñ ki ḳharābe meñ kiyā kyā jaa.e

ai kisī yaad kī khiḌkī se guzarte mausam

kyā diyā jaa.e tujhe aur liyā kyā jaa.e

is garebāñ ko kisī mauj meñ aa kar maiñ ne

chaak agar kar hī liyā hai to siyā kyā jaa.e

terī ḳhvāhish ke kisī āḳhirī darvāze par

marnā mumkin na rahe gar to jiyā kyā jaa.e

Leave a Comment