Nasir Amrohvi
kaam ik ye tire ashiq ne baḌa ḳhuub kiya
ḳhuun se likh ke ravana tujhe maktub kiya
ye bhi kya kam hai tiri bazm ke har same.a ne
mere sheron ko tiri zaat se mansub kiya
ik mire qatl pe vavaila munasib to nahin
shar-pasandon ne to iisa ko bhi maslub kiya
jism phulon sa tha siine men rakha tha patthar
hausla dekhiye main ne use mahbub kiya
kitne divanon ko farzana kiya hai tu ne
kitne farzanon ko tujh ishq ne majzub kiya
Leave a Reply