junun karta hai din-rat pa.emal mujhe
hava-e-shahr mire dasht se nikal mujhe
bana ke bhuul gaya naqsh pichhle chehron ka
phir ek shakl ka aane laga ḳhayal mujhe
badan ke saa.e ko dil ke qarib dekhta huun
ye aaj kis se bichhaḌne ka hai malal mujhe
chala raha huun kira.e pe aas ki kashti
kabhi to Dalne de paniyon men jaal mujhe
sar-e-mahaz mayassar hui hai dildari
mire ghanim batate hain mera haal mujhe
Leave a Reply