juda.i men tiri ankhon ko jhiil karte hue
subut zaa.e.a kiya hai dalil karte hue
main apne aap se ḳhush bhi nahin huun jaane kyon
so ḳhush huun apne hi raste tavil karte hue
na jaane yaad use aaya kya achanak hi
gale laga liya mujh ko zalil karte hue
kahin tiri hi tarah ho gaya na ho ye dil
so Dar raha huun ab us ko vakil karte hue
thakan safar ki to mahsus hi nahin hoti
chalun tumhen jo sar-e-rah feel karte hue
Leave a Reply