Poet
judai ke sadmon ko taale hue hain
chale jaao ham dil sambhale hue hain
zamane ki fikron ne khaya hai ham ko
hazaron ke munh ke nivale hue hain
gazand apne hathon se pahuncha hai ham ko
ye saanp astinon ke paale hue hain
nahin naam ko un men bu-e-muravvat
ye gul-ru mire dekhe-bhale hue hain
nahin e’tibar ek dam zindagi ka
azal se qaza ke havale hue hain
hazaron ko the sarfaroshi ke daave
tasadduq fida hone vaale hue hain
ham-avaz hain aish o gham donon lekin
tarane ye thahre vo naale hue hain
‘munir’ ab rah-e-haq men laghzish na hogi
yad-ullah mujh ko sambhale hue hain
Leave a Reply