Juda Nahin Hai Har Ek Mauj Dekh Aab Ke Bich

juda nahin hai har ik mauj dekh aab ke biich

hubab bahr men hai bahr hai hubab ke biich

laga hai jis se mire dil men ishq ka kanta

huun misl-e-mahi-e-be-tab pech-o-tab ke biich

kisu ke dil ki imarat ka fikr kar munim

bana na ghar ko tu is khana-e-kharab ke biich

har ek chalne ko yaan mustaid hai shah-savar

zamin pe paanv hai ik dusra rikab ke biich

ba-rang-e-shama chhupe husn-e-jalvagar kyuun kar

hazar us ko rakhen burqa-o-naqab ke biich

‘nasir’ ankhon men apni lage hai yuun do jahan

khayal dekhte hi jaise shab ko khvab ke biich

Leave a Comment