sar ko bachate ya dar-o-divar bechte
sar ki hifazaton men kya dastar bechte
shohrat ke mol ḳhuub lage shahr men magar
ham mohtaram kahan the jo kirdar bechte
is kanpti zamin ne sab ḳhaak kar diya
varna ham arzuon ke minar bechte
hota jo iḳhtiyar mire haath men to phir
baste ḳharid laate ye hathiyar bechte
qanun ko jo ‘sima’ samajh lete aaj ham
to bhuuk aur jahl ke azar bechte
Leave a Reply