Jo Ye Jism Sar-Ta-Qadam Dekhte Hain

jo ye jism sar-ta-qadam dekhte hain

”tumhen tum ko ham ai sanam dekhte hain

ye sab aap hi ki hai guft-o-shunid

jo gosh-o-zaban-o-qalam dekhte hain

aur aapi ka hai sab ye jalva miyan

jo pesh-e-nazar dam-ba-dam dekhte hain

jo hain mahv-e-didar ham is qadar

ye aapi ka lutf-o-karam dekhte hain

piya jab se jam-e-sharab-e-tahura

tabhi se to dam hain adam dekhte hain

tan-o-jan-o-dil jumla-harkat men

shah-e-qul-ho-allah ko ham dekhte hain

tumhen ho ‘safi’ shah-e-mardan ki diid

na ham besh dekhen na kam dekhte hain