jo sochta huun agar vo hava se kah ja.un
hava ki lauh pe mahfuz ho ke rah ja.un
ye kya yaqin ki tu mil hi ja.ega mujh ko
tiri juda.i ka jaan leva dik to sah ja.un
ḳhud apne aap ko dekhun varaq varaq kar ke
kisi ke samne ja.un to tah-ba-tah ja.un
khaḌa huun surat-e-divar reg-e-sahil par
zara si mauj bhi aa.e to ghul ke bah ja.un
mire ḳhuda mujhe iz.har ki vo qudrat de
mujhe jo kahna hai ik lafz men hi kah ja.un
harif-e-koshish-e-parvaz hai ye mausam-e-barf
main ashiyan men hi par khol khol rah ja.un
chaTan ban ke bhi kab tak bacha rahunga ‘riyaz’
misal-e-ḳhas abhi sail-e-zaman men bah ja.un
Leave a Reply