Saghar Nizami
jo rahin-e-taghayyurat nahin
maut hai maut vo hayat nahin
kuchh baharon hi pe nahin mauquf
meri vahshat ko bhi sabat nahin
mas.ale husn ke bhi nazuk hain
ishq hi ke muamlat nahin
aaj se dil ye bazm hai un ki
ye harim-e-tasavvurat nahin
shaḳh-e-gul ho ki gardan-e-mina
mere hathon men un ka haat nahin
ka.aba-o-dair ko sabat hai kab
mai-kade ko agar sabat nahin
husn se ka.enat hai ‘saghar’
ishq buniyad-e-ka.enat nahin
Leave a Reply