Poet
zamzama-e-ah-o-fughan duur tak
gunjti hai vadi-e-jan duur tak
haa.e re virani-e-rah-e-hayat
koi sada hai na nishan duur tak
mil na saka amn-o-sukun ka pata
DhunD chuki umr-e-ravan duur tak
sham-e-tarab jalva-fagan as-pas
mash.al-gham nur-fishan duur tak
simTe hue amn ke paighambar
phaile hue qatil-e-jan duur tak
shahr men dehat men har raah men
ḳhuun ki ik ju-e-ravan duur tak
puchh na ‘fazil’ miri duniya ka rang
aag har ik samt dhuan duur tak
Leave a Reply