mujhe achchha nahin lagta
khada khamosh sa dariya
koi halchal ho
tufan ho
koi to badban tuute
koi to nakhuda aisa ho jo bad-e-mukhalif ko
palat de zor-e-bazu se
na kashti Dagmagae us ki lahron ke talatum par
na kashti Dolti jaae hava ke rukh pe sahil par
bahut girdab bhi honge
bahut bhaunchal aenge
ho aisa na-khuda ki jo bhanvar men Duub na jaae
khud apni zaat ke iqan par bahar nikal aae
yaqin ho aap par to sahilon ko chhod dete hain
bharosa ho basirat par to dariya mod dete hain
yuun apne aap men tufan ki halchal macha rakkho
ki tughyani nahin aati to dariya suukh jaate hain