adeel-zaidi

Rah-e-Khizan Mein Talash-e-Bahaar Karte Rahe

rah-e-khizan men talash-e-bahar karte rahe

vo ek tarfa sahi tum se pyaar karte rahe

hai kya tamasha udhar ranjishen hi badhti rahin

taalluqat hamin ustuvar karte rahe

guzar gai jo ghadi laut kar na aai kabhi

talash-e-sham-o-sahar baar baar karte rahe

tumhari chaah men jitne bhi zakhm ham ko mile

mohabbaton men ham un ka shumar karte rahe

tiri ana pe hamen ikhtiyar hi kab tha

tamam umr tira intizar karte rahe

‘adil’ log gharon ko sajae baithe hain

farogh-e-husn faqat barg-o-bar karte rahe

More Poems

Leave a Comment