jo pardon men ḳhud ko chhupa.e hue hain
qayamat vahi to uTha.e hue hain
tiri anjuman men jo aa.e hue hain
gham-e-do-jahan ko bhula.e hue hain
pahaḌon se bhi jo uTha.e na uTTha
vo bar-e-vafa ham uTha.e hue hain
koi shaam ke vaqt aa.ega lekin
sahar se ham ankhen bichha.e hue hain
jahan bijliyan ḳhud amaan DhunDti hain
vahan ham nasheman bana.e hue hain
ghazal aabru hai tu urdu zaban ki
tiri aabru ham bacha.e hue hain
ye ash.ar yuun hi nahin dard-agin
‘hafiz’ aap bhi choT khaa.e hue hain
Leave a Reply