Asim Tanha
ajab si gard jami hai yahan fazaon men
ki jaise dhund mili ho kahin havaon men
jo manzilon ke nishanat de rahi hain tumhen
hamari guunj bhi shamil hai in sadaon men
kisi ke hijr men ankhen nikhar ga.iin apni
ye bhiig bhiig ke Duubi rahi duaon men
unhi ke yaad men rahta hai chand bhi shadan
vo jin ki ḳhushbu abhi tak hai mere gaanv men
vo jis ko kahte the tahzib mar chuki ‘asim’
panah dhunDiye ja kar kahin guphaon men
Leave a Reply