jo maabad men diya jalane aati thi
vo ladki kyuun andhiyaron ki nazr hui
vo jis ne ashkon se haar nahin maani
kis khamoshi se dariya men duub gai
ret pe mere aur tumhare qadmon ki
ik tahrir thi so vo dariya-burd hui
lafzon ke shahzade ka rasta dekhe
jangal men rahne vaali bholi ladki
teri mukhbir teri hi hamraz kaniz
meri dushman meri ek saheli thi
bhuuk hi paale apni kokh men meri maan
banjh duaen mehnat vaale hathon ki
vo ghar jis ke taaq men diya na tha lekin
sehn men ek kundari rakkhi rahti thi
Leave a Reply