Jo Log Dushman-E-Jaan The Wahi Sahaare The

jo log dushman-e-jan the vahi sahare the

munafe the mohabbat men ne ḳhasare the

huzur-e-shah bas itna hi arz karna hai

jo iḳhtiyar tumhare the haq hamare the

ye aur baat baharen gurez-pa niklin

gulon ke ham ne to sadqe bahut utare the

ḳhuda kare ki tiri umr men gine jaaen

vo din jo ham ne tire hijr men guzare the

ab izn ho to tiri zulf men piro den phuul

ki asman ke sitare to istiare the

qarib aae to har gul tha ḳhana-e-zambur

‘nadim’ duur ke manzar to pyare pyare the

Leave a Comment