ek udasi dil par chha.i rahti hai
mere kamre men tanha.i rahti hai
siine men ik dard bhi rahta hai bedar
ankhon men kuchh niind bhi aa.i rahti hai
dil-dariya ki thaah bata.en kya jis men
saat samundar ki gahra.i rahti hai
ham bhi isi basti ke rahne rahne vaale hain
jis men teri be-parva.i rahti hai
pahlu men ab ‘saif’ mira kya baaqi hai
dil hai jis men yaad para.i rahti hai
Leave a Reply