Poet
jo kuchh apne dil par guzri kuchh na kaho to behtar hai
hans hans kar hi ‘arif’ us ki baat suno to behtar hai
sun lo dil ke saude men ab jhuuT bhi kaam na aa.ega
ubaḌ-khabaḌ raste par ab saath chalo to behtar hai
mausam badla bijli chamki manzar saara bhiig gaya
apne apne ghar chalne ki baat karo to behtar hai
shish-mahal ka dhoka dena ab itna asan nahin
TuTi-phuTi kuTiya men ḳhamosh raho to behtar hai
aḳhir kab tak duur rahoge us ki miThi baton se
TuuTe rishte phir se joḌo aisa ho to behtar hai
Leave a Reply