poet

Jo Karwan Mein Hai Shamil Na Rahguzar Mein Hai

jo karvan men hai shamil na rahguzar men hai

vo shakhs meri tamannaon ke dayar men hai

sahar-shanas andhere ki shab-gazida sahar

na vo nigah men apni na ye shumar men hai

ye kya khalish hai ki lau de rahi hai jazbon ko

na jaane kaun sa shoala mere sharar men hai

basi hai sukhe gulabon ki baat sanson men

koi khayal kisi yaad ke hisar men hai

rachi hui hai fazaon men kis ke khuun ki bu

ye kaisa jashn-e-baharan mire dayar men hai

na jaane kaun se jhonke se jal-bujhun ‘uzma’

mira vajud havaon ke kar-zar men hai

More Poems

Leave a Comment