jo jhuTlata raha hai zindagi ko
zara pahchan len us aadmi ko
ujale banTti phirti hai duniya
syahi se ulajhti raushni ko
azal se gunjta manzar hai hasti
sada do jism ki be-chehragi ko
na dekha tum ne saḌkon se guzarte
bikharti saans leti zindagi ko
nahin mohlat ki main ḳhurshid deta
tiri ankhon ki bujhti raushni ko
jo hai is shahr men munkir suḳhan ka
sunao ye ghazal ‘saqib’ usi ko
Leave a Reply